OL11-A. Non do‘koni

Mahalladagi non do‘konida bitta non x so‘m turadi. Do‘konda aksiya bor: har k ta sotib olingan nonga 1 ta non sovg‘a qilinadi. Sovg‘a qilingan nonlar uchun sovg‘a berilmaydi.

Ali akada S so‘m pul bor. U pulini imkon qadar ko‘p non olishga sarflaydi. Ali aka jami (sotib olingan va sovg‘a qilingan) eng ko‘pi bilan nechta non bilan uyga qaytadi?

Kirish ma’lumotlari

Bitta qatorda uchta butun son — S, x va k.

Chiqish ma’lumotlari

Bitta butun son — Ali aka oladigan nonlarning eng ko‘p soni.

Cheklovlar

1 ≤ S, x, k ≤ 10¹⁸.

Har bir test 1 ball, jami 100 ball. 1–2-testlar — shartdagi misollar.

1-misol: 100 so‘mga 15 so‘mlik nondan 6 ta olinadi (90 so‘m), 10 so‘m qoladi. 6 ta nonning har 3 tasiga 1 tadan — 2 ta sovg‘a. Jami 6 + 2 = 8 ta non.

2-misol: 10¹⁸ ta non sotib olinadi va har biriga bittadan sovg‘a — javob 2·10¹⁸. Bu son C++ dagi int ga sig‘maydi!