💠 Raqamli transformatsiya orqali xotin-qizlar tadbirkorligini qo‘llab-quvvatlash: Toshkentda muhim xalqaro dastur bo‘lib o‘tadi

Toshkent shahri muhim ahamiyatga ega bo‘lgan nufuzli xalqaro tadbirga mezbonlik qilish arafasida.

🔸 Joriy yilning 8–10-aprel kunlari Toshkent shahrida “Ayollar uchun AKT imkoniyatlari tashabbusi” (Women ICT Frontier Initiative – WIFI DX) doirasida xotin-qiz tadbirkorlarning imkoniyatlarini raqamli transformatsiya orqali kengaytirishga qaratilgan “Tadbirkorlar uchun trening” (Training of Entrepreneurs) dasturi bo‘lib o‘tadi.

❕ BMTning Osiyo va Tinch okeani uchun Iqtisodiy va ijtimoiy komissiyasi (UN ESCAP) huzuridagi APCICT markazi, "Women in Tech Uzbekistan" hamda Raqamli texnologiyalar vazirligi hamkorligida tashkil etilayotgan mazkur dastur multiplikatorlik xususiyatiga ega. Tadbir kelgusida butun jamiyat bo‘ylab aholining raqamli ko‘nikmalarini rivojlantiruvchi malakali trenerlarni tayyorlashga qaratilgan.

ℹ️ O‘zbekiston o‘zining raqamli islohotlarini jadal sur’atlarda rivojlantirayotgan bir davrda, WIFI DX kabi tashabbuslar davlat milliy strategiyasini fuqarolar uchun amaliy natijalarga aylantirib beruvchi muhim tizimli sarmoya bo‘lib xizmat qiladi.

📌 Raqamli ko‘nikmalarni shakllantirish, xotin-qizlarning iqtisodiy ishtirokini ta’minlash yoki AKT salohiyatini oshirish yo‘nalishlarida faoliyat yurituvchi barcha mutaxassislar hamda tashkilotlar uchun mazkur jarayonlarni kuzatib borish tavsiya etiladi. Tadbir to‘liq ingliz tilida olib borilishi sababli, ishtirokchilarning ushbu tilda erkin muloqot qila olishi dasturga qabul qilishning asosiy mezonlaridan biri etib belgilangan.

Sana: 8–10-aprel

Manzil: IT Park majmuasi

Ishchi til: Ingliz tili

Telegram (https://t.me/mitcuz) | Facebook (https://www.facebook.com/mininfocom/) | Instagram (https://www.instagram.com/digital_uz_/) | Youtube (https://www.youtube.com/@digitaluz) | LinkedIn (https://www.linkedin.com/authwall?trk=bf&trkInfo=AQGU4cV-gxYCGQAAAY1oi8VY7i_mqbZIPz7OvruXtAOnlQLJCjSSCveImJG2f2_dcD9fgFxuChLh-XXjVh2na_tQ1Smw2_B8YpyFm2hkwRLPkgi3unztAM4W8pYIUikkjLn4oOQ=&original_referer=&sessionRedirect=https%3A%2F%2Fwww.linkedin.com%2Fcompany%2Fthe-ministry-for-development-of-itc-of-the-republic-of-uzbekistan%2F) | X (https://twitter.com/digital_uz_/)