Rated Contest #2 — Qoidalar

1. Umumiy qoidalar

• Musobaqa individual tarzda o‘tkaziladi.
• Har bir ishtirokchi faqat o‘z akkaunti orqali qatnashadi.
• Boshqa ishtirokchilardan yordam olish, kod almashish va internetdagi tayyor yechimlardan foydalanish taqiqlanadi.
• Halol o‘yin (Fair Play) tamoyiliga rioya qilish barcha ishtirokchilar uchun majburiy.

2. Musobaqa formati

• Davomiyligi: 2 soat.
• Masalalar soni: 7 ta (A–G).
• Dasturlash tillari: Python, C++, Java.
• Har bir masalada bir nechta test bor. Ma’lumotlar standart kirishdan o‘qiladi va standart chiqishga yoziladi.

3. Baholash tizimi

• Reyting ACM/ICPC tizimida hisoblanadi.
• Masala barcha testlardan o‘tgandagina yechilgan hisoblanadi.
• Ishtirokchilar avval yechilgan masalalar soni bo‘yicha, teng bo‘lsa jarima vaqti bo‘yicha saralanadi. Jarima vaqti kamroq bo‘lgan ishtirokchi yuqori o‘rinni egallaydi.
• Jarima vaqti — har bir yechilgan masala uchun musobaqa boshidan to‘g‘ri yechim topshirilgan paytgacha o‘tgan daqiqalar va shu masaladagi har bir noto‘g‘ri urinish uchun 20 daqiqa.
• Yechilmagan masaladagi noto‘g‘ri urinishlar jarimaga qo‘shilmaydi.

4. Musobaqa oynasidan chiqish (Alt+Tab)

Musobaqa davomida tizim masala sahifasidan chiqishni avtomatik kuzatadi. Quyidagilar chiqish hisoblanadi:

• Alt+Tab yoki Win tugmasi bilan boshqa oynaga o‘tish;
• brauzerda boshqa tab ochish yoki unga o‘tish;
• boshqa dastur (Telegram, kod muharriri, kalkulyator va h.k.) oynasini bosish;
• brauzer oynasini yig‘ib qo‘yish (minimize).

Har bir chiqishda ekran yopiladi va hodisa qayd etiladi:

• 1- va 2-chiqishda — ogohlantirish: «Yana N marta chiqsangiz, akkauntingiz 3 soatga bloklanadi».
• 3-chiqishda — dasturlash bo‘limi 3 soatga yopiladi: masalalarni ochish va yechim topshirish mumkin bo‘lmaydi. Musobaqa 2 soat davom etgani uchun bu amalda musobaqaning tugashini bildiradi.
• Blokni faqat tashkilotchi olib tashlay oladi.

Sayt ichidagi havolalar (masalalar orasida o‘tish, yechim topshirish, reytingni ochish) chiqish hisoblanmaydi.

Tavsiya: musobaqa boshlanishidan oldin boshqa dasturlarni yoping, bildirishnomalarni o‘chiring va sahifani to‘liq ekranda oching. Yechimni to‘g‘ridan-to‘g‘ri saytdagi muharrirda yozing.

5. Nazorat

• Masala shartidan nusxa olish, sahifani saqlash va chop etish yopilgan.
• Ekranda ismingiz va vaqt yozilgan suv belgisi turadi.
• Screenshot olish va ishlab chiquvchi vositalarini (F12) ochishga urinishlar qayd etiladi.
• Barcha hodisalar tashkilotchining nazorat panelida ko‘rinadi.

6. Taqiqlangan harakatlar

• Boshqa ishtirokchining kodidan foydalanish.
• ChatGPT, Copilot va boshqa sun’iy intellekt vositalari yordamida yechim olish.
• Internetdan tayyor kod yoki yechim qidirish.
• Bir nechta akkaunt orqali qatnashish.
• Musobaqa vaqtida masalalarni tarqatish yoki muhokama qilish.

7. Diskvalifikatsiya

Quyidagi holatlarda ishtirokchi musobaqadan chetlashtiriladi:

• plagiat aniqlansa;
• qoidabuzarlik sodir etilsa;
• tashqi yordamdan foydalanganligi isbotlansa.

8. Natijalar

• Yakuniy reyting tizim tomonidan avtomatik shakllantiriladi.
• G‘oliblar 1-, 2- va 3-o‘rinlar bo‘yicha aniqlanadi.
• Eng faol va eng tez yechim topshirgan ishtirokchilar alohida rag‘batlantirilishi mumkin.

9. Tashkilotchilar

Sharof Rashidov nomidagi Samarqand davlat universiteti 2-son akademik litseyi, Informatika kafedrasi.

«Bilim, mantiq va tezlik sari bir qadam!»

Hammaga omad! 🚀 Rated Contest #2 da kuchlilar o‘z mahoratini namoyish etadi!