3. Kirish va chiqish

Musobaqa masalasida kirish

Ma’lumot standart kirishdan keladi, javob standart chiqishga
yoziladi. Ya’ni oynada tugma yo‘q — faqat matn.

n = int(input())                       # bitta son
a, b = map(int, input().split())       # bir qatorda ikkita son
sonlar = list(map(int, input().split()))   # bir qatorda ko‘p son

split() satrni bo‘shliqlar bo‘yicha bo‘laklarga ajratadi, map(int, …)
har bir bo‘lakni songa aylantiradi.

Katta kirish

Ko‘p qator o‘qilganda input() sekinlik qiladi:

import sys
data = sys.stdin.read().split()

Chiqarish

print(a + b)
print(a, b)              # oralarida bo‘shliq: "3 4"
print(a, b, sep=", ")    # "3, 4"
print(a, end=" ")        # keyingi print o‘sha qatordan davom etadi

f-satr qulay:

print(f"{ism} — {yosh} yoshda")

Eng muhim qoida

Masala nimani so‘rasa, faqat shuni chiqaring:

print(7)              # to‘g‘ri
print("Javob:", 7)    # XATO — sudya buni qabul qilmaydi

Sudya javobni belgima-belgi solishtiradi. Qator oxiridagi ortiqcha
bo‘shliq kechiriladi, ortiqcha so‘z esa yo‘q.